Farg‘ona tumani hokimligida O‘zbekiston musulmonlari idorasi, Mahallalar uyushmasi tuman bo‘limi, Oila va xotin-qizlar bo‘limi, “Nuroniy” jamg‘armasi, hamda Respublika ma’naviyat va ma’rifat markazi tuman bo‘limi faollari ishtirokida davra suhbati o‘tkazildi. Tadbirda “Nuroniy” jamg‘armasi Respublika boshqaruvi raisi, senator, O‘zbekiston Qahramoni Sodiqjon Turdiyev, jamg‘armaning viloyat bo‘limi raisi Zakirjon Raxmanov, Farg‘ona tumani hokimi Xamidullo Inomov, shuningdek, Jamgʻarmaning viloyatdagi tuman va shahar bo‘limlari raislari, imom-xatiblar, otinoyilar, mahalla raislari, xotin-qizlar faollari, profilaktika inspektorlari hamda yoshlar yetakchilari ishtirok etishdi. Davra suhbati davomida Prezidentimizning mahalla tizimidagi islohotlarni yangi bosqichga olib chiqish bo‘yicha videoselektor yig‘ilishida ilgari surilgan vazifalar muhokama qilindi. Xususan, oila qurish masalasining mas’uliyatini tushuntirish, ajrimlarning oldini olish, oilaviy qadriyatlarni mustahkamlash yo‘nalishida olib borilayotgan ishlarni yanada kuchaytirish zarurligi ta’kidlandi. Yakunda faol nuroniylar ragʻbatlantirilib, hamkor tashkilotlar bilan birgalikda dolzarb “90 kunlik” doiraviy reja ishlab chiqilib, ma’rifat va ma’naviyat orqali ijtimoiy muammolarga qarshi kurashish, ziyolilar harakatini kengaytirish bo‘yicha kelishuvga erishildi.