1. Бош сахифа
2. Янгиликлар

PREZIDENT VAKSINATSIYAGA OID QONUNGA IMZO CHEKDI

×

«Oʻzbekiston Respublikasining ayrim qonun hujjatlariga aholining sanitariya-epidemiologik osoyishtaligini taʼminlashga qaratilgan oʻzgartishlar va qoʻshimcha kiritish toʻgʻrisida»gi Qonun (OʻRQ-705-son, 02.08.2021 y.) Prezident tomonidan imzolandi.

Qonun bilan Mehnat kodeksining 113-moddasiga xodim karantinli va yuqumli kasalliklar tahdidi boʻlganda Bosh davlat sanitariya vrachi qarori asosida profilaktik emlashdan oʻtishni rad etsa (qarshi koʻrsatma mavjud boʻlmaganda) ish beruvchi uni ishga qoʻymaslikka haqli ekanligiga oid koʻshimcha kiritildi.

«Fuqarolar sogʻligʻini saqlash toʻgʻrisida»gi Qonunga kiritilgan qoʻshimchaga koʻra karantinli va xavfli yuqumli kasalliklar tarqalishi tahdidi boʻlganda Bosh davlat sanitariya vrachining qarori asosida aholini profilaktik emlashdan oʻtkazish joriy etilishi belgilandi.

Qonun rasmiy eʼlon qilingandan soʻng kuchga kiradi.

Бизни ижтимоий тармоқларда кузатинг
Facebook | Instagram | Youtube | Telegram