1. Бош сахифа
2. Янгиликлар

“9 МАЙ - ХОТИРА ВА ҚАДРЛАШ КУНИ” МУНОСАБАТИ БИЛАН БЎСТОН МФЙДА ТАДБИР ЎТКАЗИЛДИ.

×

Фарғона тумани Бўстон МФЙда 9 май – Хотира ва қадрлаш кунига бағишлаб иккинчи жаҳон урушида – халқларнинг тинчлиги, миллатлар тотувлиги йўлида қурбон бўлганлар хотираси ёдга олиниб, узоқ йиллар мобайнида туманимизда турли соҳаларда хизмат қилиб келган фахрийлар иштирокида байрам тадбири бўлиб ўтди.

Тадбирда Фарғона тумнаи ҳокимлиги, шунингдек, турли соҳаларда узоқ йиллар мобайнида фидокорона хизмат қилиб келган, айни пайтда ҳам туман ривожи учун меҳнат қилаётган 100 нафардан зиёд фахрийлар иштирок этишди.

Бўлиб ўтган учрашувда фахрийлар, урушда ҳалок бўлганлар, шунингдек соҳада хизмат қилиб ўтганларнинг руҳларига бағишлаб Қуръон тиловат қилинди. Мамлакатимиз, хусусан туманимиз ривожи йўлида хизмат қилаётган барча ходимлар ҳаққига дуолар қилинди.

Юртимизда 9 май – Хотира ва қадрлаш куни сифатида кенг нишонланиши анъанага айланган. Хусусан, Президентимизнинг 2021 йил 20 апрелдаги “Хотира ва Қадрлаш кунига тайёргарлик кўриш ва уни ўтказиш чора-тадбирлари тўғрисида”ги қарорида мамлакатимизда ушбу санани кенг нишонлаш, Иккинчи жаҳон урушида фашизм устидан қозонилган ғалабага муносиб ҳисса қўшган, мустақиллик йилларида хизмат бурчини бажариш чоғида ҳалок бўлганлар хотирасини абадийлаштириш, барча фахрийларга ҳурмат-эҳтиром кўрсатиш алоҳида таъкидланган. 

Тадбирда фахрийларимиз томонидан халқимизнинг тарих саҳифаларига ўчмас ҳарфлар билан битилган уруш ва меҳнат фахрийларининг жасорати, мардлик ва матонати, олижаноблиги, меҳр-муруввати ва юксак маънавияти, чеккан заҳматли меҳнатлари олдида таъзим қилиш, бугунги тинч ва осойишта ҳаётимизга шукроналар қилиш, мустақилликдек азиз неъматнинг қадрига етиш, уни кўз қорачиғимиздек асраб-авайлаш лозимлиги таъкидланди.

Фарғона тумани ҳокимлиги Ахборот хизмати.

Бизни ижтимоий тармоқларда кузатинг
Facebook | Instagram | Youtube | Telegram