1. Бош сахифа
2. Янгиликлар

КИЧИК САНОАТ ЗОНАЛАРИНИ РИВОЖЛАНТИРИШ БОРАСИДА САМАРАЛИ ИШЛАР АМАЛГА ОШИРИЛМОҚДА.

×

Фарғона тумани ҳокими Х.Иномов туманда ташкил этилган кичик саноат зоналарида амалга оширилаётган ишлар билан танишди.

Фарғона туманида жами 26 гектар майдонда 4 та - “Миндонобод”, “Машъал”, “Сой бўйи”, “Хонқиз” кичик саноат зоналари ва “Юқори Арча” ёшлар кичик саноат зонаси ташкил қилинган. 

Давлатимиз раҳбарининг 2022 йил 6 июн кунги “Худудларда махсус иқтисодий ва кичик саноат зоналарини ташкил қилиш ва уларни мухандислик-коммуникация инфратузилмаси билан таъминлаш чора-тадбирлари тўғрисида” ПҚ-271-сонли қарорига мувофиқ жорий йилнинг ўзида тумандаги 4 та – “Миндонобод”, “Машъал”, “Сой бўйи”, “Хонқиз” кичик саноат зоналарини мухандислик-коммуникация тармоқлари билан таъминлаш мақсадида республика бюджети маблағларидан 14 млрд. 765 млн. сўм ажратилиши белгиланган.  

Хусусан, “Юқори Арча” ёшлар саноат ва тадбиркорлик зонасида          52 дона темир-бетон таянчлар ўрнатилиб, 1,6 км масофада электр узатиш тармоғи тортилди ҳамда қуввати 2х1000 кВа трансформатор пункти ўрнатилди. Газ таъминоти бўйича жами 5 км тармоқ тортилиши белгиланган бўлиб, 1,3 км газ қувурлари тортилган. Сув таъминоти бўйича 2 дона тик қудуқ қазиш ишлари якунланиб, 2 дона сув сақлаш ховузлари, назорат биноси, насос жойлаштирилган биноси ва атроф деворни қуриш ишлари олиб борилмоқда.

Ташриф давомида туман ҳокими саноат зоналарида фаолият олиб бораётган тадбиркорлар билан сухбатлашди. Уланинг таклиф ва тавсияларини тинглаб масъул раҳбарларга қўшимча кўрсатма ва топшириқлар берилди.

Бизни ижтимоий тармоқларда кузатинг
Facebook | Instagram | Youtube | Telegram