1. Bosh sahifa
2. Yangiliklar

KICHIK SANOAT ZONALARINI RIVOJLANTIRISH BORASIDA SAMARALI ISHLAR AMALGA OSHIRILMOQDA.

×

Farg’ona tumani hokimi X.Inomov tumanda tashkil etilgan kichik sanoat zonalarida amalga oshirilayotgan ishlar bilan tanishdi.

Farg’ona tumanida jami 26 gektar maydonda 4 ta - “Mindonobod”, “Mash'al”, “Soy bo’yi”, “Xonqiz” kichik sanoat zonalari va “Yuqori Archa” yoshlar kichik sanoat zonasi tashkil qilingan. 

Davlatimiz rahbarining 2022 yil 6 iyun kungi “Xududlarda maxsus iqtisodiy va kichik sanoat zonalarini tashkil qilish va ularni muxandislik-kommunikatsiya infratuzilmasi bilan ta'minlash chora-tadbirlari to’g’risida” PQ-271-sonli qaroriga muvofiq joriy yilning o’zida tumandagi 4 ta – “Mindonobod”, “Mash'al”, “Soy bo’yi”, “Xonqiz” kichik sanoat zonalarini muxandislik-kommunikatsiya tarmoqlari bilan ta'minlash maqsadida respublika byudjeti mablag’laridan 14 mlrd. 765 mln. so’m ajratilishi belgilangan.  

Xususan, “Yuqori Archa” yoshlar sanoat va tadbirkorlik zonasida          52 dona temir-beton tayanchlar o’rnatilib, 1,6 km masofada elektr uzatish tarmog’i tortildi hamda quvvati 2x1000 kVa transformator punkti o’rnatildi. Gaz ta'minoti bo’yicha jami 5 km tarmoq tortilishi belgilangan bo’lib, 1,3 km gaz quvurlari tortilgan. Suv ta'minoti bo’yicha 2 dona tik quduq qazish ishlari yakunlanib, 2 dona suv saqlash xovuzlari, nazorat binosi, nasos joylashtirilgan binosi va atrof devorni qurish ishlari olib borilmoqda.

Tashrif davomida tuman hokimi sanoat zonalarida faoliyat olib borayotgan tadbirkorlar bilan suxbatlashdi. Ulaning taklif va tavsiyalarini tinglab mas'ul rahbarlarga qo’shimcha ko’rsatma va topshiriqlar berildi.

Bizni ijtimoiy tarmoqlarda kuzating
Facebook | Instagram | Youtube | Telegram