1. Bosh sahifa
2. Yangiliklar

TOPSHIRIQLAR IJROSI O’RGANILDI.

×

Xonada o’tirib ish bitiradigan zamonlar o’tib ketdi. Ayni paytda manzilning o’zida faoliyat tashkil etilmas ekan, hech qanday ijobiy natijaga erishib bo’lmaydi. Bu borada mahalliy hokimlik vakillari ham yangicha ish uslublarini o’zlashtirib, har bir masala yuzasidan hududlarda bo’lmoqdalar. Jumladan, Farg’ona tumani hokimi Xamidullo Inomov navbatdagi ish kunini «Oqtom» MFYda 18.10.2022 yil kuni o’tkazilgan sayyor qabulda berilgan topshiriqlari ijrosini nazorat qilishdan boshladi.

Bugunga kelib hokimlik vakillarining o’zlari mahallalarda yurib, asl holatni o’rganishmoqda. Bu ijobiy samara beryapti. Boisi, o’zbekchilikda hamma ham tegishli idoralarga murojaat qilavermaydi.

Tuman hokimining bu galgi tashrifi ham samarali kechdi. Natijada Oqtom MFYdagi "To’ychivoy Burxonov" nomidagi qabristonning chiroqlari yangilandi, maxalladagi eskirgan elektr tayanch ustunlarinini yangisiga almashtirish ishlari boshlandi, Yangi qishloq ko’chasidagi axolini toza ichimlik suvi xamda oqava suvi bilan ta'minlash bo’yicha chora-tadbirlar belgilab olindi, Oqtom ko’chasidagi gaz taqsimlash punkti ta'mirlanib aholiga tabiiy gaz yetkazib berish sifati yaxshilanishiga erishildi.

Bizni ijtimoiy tarmoqlarda kuzating
Facebook | Instagram | Youtube | Telegram