Bugun davlatimiz rahbari va Respublika hukumatining bevosita e‘tibori doirasida Vatanimizning eng chekka hududlarida ham keng ko‘lamli qurilish-ta‘mirlash ishlari olib borilmoqda. Buning natijasida mahallayu qishloqlarimizning siymosi o‘zgarib, xalqimizning minnatdorchiligi va shodligiyu quvonchiga sabab bo‘layotir. Jahon Bankining “Qishloq infratuzilmasini rivojlantirish” loyihasi doirasida bugun Devayron mahallasida ham arzirli ishlar olib borilyapti. Mazkur bankning loyhasi doirasida mahallaning ichki ko‘chalari asfalьtlashtiriladi. Mahallaning 3 kilometr masofadagi ichki yo‘llariga asfalьt qoplamasi yotqizish bo‘yicha ishlar boshlanib ketdi. Ayni kunda mazkur ko‘chalarni tayyorlash maqsadida amaliy ishlar qilinmoqda. Bu ishlarga maxsus texnikalar jalb etilgan bo‘lib, ayni kunda ko‘chalarga shag‘al yotqizish ishlari olib borilyapti. Asfalьtlashtirish ishlariga bir milliard 700 million so‘m mablag‘ sarf qilinadi. So‘x tumani hokimligi Axborot xizmati