Dang‘ara tumnai hokimi, Respublikadan biriktirilgan vakil hamda Dang‘ara tumani Xalq qabulxonasi mudiri B. Mamadjanovlar ishtirokida Katta turk hamda Doimobod MFYlarda sayyor qabul o‘tkazildi. «Kambag‘allikdan farovonlik sari» dasturini amalga oshirish bo‘yicha Dang‘ara tumanida og‘ir mahalla sifatida tanlab olingan Katta turk hamda Doimobod MFYlar infratuzilmasini yaxshilash bo‘yicha amalga oshiriladigan ishlar to‘g‘risida ma’lumot berib o‘tildi. Qabuld davomida fuqarolarning ichimlik suvi, elektr ta’minoti, ichki yo‘llarni asfaltlash va boshqa masalalarga oid murojaatlar ko‘rib chiqildi. Barcha murojaatlar tegishli tartibda ro‘yxatga olinib, murojaatlarni hal etish uchun tegishli mutasaddilarga biriktirilib, nazoratga olindi.