Xalq deputatlari Farg‘ona tuman Kengashining “Reglament va deputatlik odob-axloqi masalalari bo‘yicha“ doimiy komissiyasi yig‘ilishi bo‘lib o‘tdi. Yig‘ilishni doimiy komissiya raisi Ilhomjon Abduraxmonov boshqarib bordi. Kun tartibida quyidagi masalalar muhokama qilindi: – Xalq deputatlari Farg‘ona tuman Kengashining Reglamenti va doimiy komissiyalar to‘g‘risidagi nizomni tasdiqlash (08.11.2024). – Farg‘ona tuman Kengashi faoliyatini namunali tashkil etish bo‘yicha qaror (20.02.2025). – Deputatlarning saylovchilar oldidagi mas‘uliyatini oshirish va aholining xabardorligini kuchaytirish bo‘yicha qarorga o‘zgartirish kiritish (29.01.2025). Shuningdek, “Ijtimoiy soha, yoshlar siyosati, madaniyat va sport masalalari bo‘yicha“ doimiy komissiya raisi Ozodaxon Dadajonova korrupsiyaga qarshi kurashish bo‘yicha muhim masalalarni muhokama qildi. Unda davlat rahbari boshchiligida o‘tkazilgan Milliy kengash yig‘ilishida belgilangan asosiy vazifalar tahlil qilinib, deputatlar yosh avlodni halollik va adolat ruhida tarbiyalash masalasiga alohida e‘tibor qaratishi lozimligi ta‘kidlandi. Yig‘ilish yakunida deputatlar aholining ishonchini oqlash, saylovchilar manfaatlarini himoya qilish va faol targ‘ibot ishlarini olib borishga chaqirildi.