Bosh prokuratura huzuridagi Iqtisodiy jinoyatlarga qarshi kurashish Departamentining Farg‘ona viloyat boshqarmasi boshlig‘i o‘rinbosari adliya katta maslahatchisi A.A.Ismoilov Oltiariq tumanida dorixona faoliyati bilan shug‘ullanib kelayotgan tadbirkorlar bilan uchrashdi. Uchrashuvda aholini sifatli dori vositalari bilan ta‘minlash hamda sohadagi yashirin aylanmalarga barham berish, qalbaki dori vositalariga qarshi kurashish yo‘lida amalga oshirilayotgan ishlar haqida keng tushunchalar berib o‘tildi. Shuningdek, dori vositalarining noqonuniy muomalasi bilan bog‘liq aniqlangan holatlar natijasi bo‘yicha ko‘rilgan choralar xaqida to‘xtalib, huquqbuzarlikka yo‘l qo‘yilgan taqdirda jazo muqarrarligi ta‘minlanishi aytib o‘tildi. Uchrashuv davomida tadbirkorlar tomonidan berilgan savollariga mutasaddilar tomonidan atroflicha javob berib o‘tildi.