Dang‘ara tumani xalq qabulxonasida tuman hokimi ishtirokida fuqarolar murojaati tinglandi. Qabul jarayonida fuqarolar tomonidan moddiy va tibbiy yordam masalalari, tadbirkorlik uchun bank krediti olish, uy-joyni ta’mirlashda ko‘maklashish bo‘yicha murojaatlari eshitildi. Barcha murojaatlar tegishli tartibda ro‘yxatga olinib, yechimi topilgan murojaatlar joyida hal etildi va ayrim murojaatlar huquqiy maslahat va tushunchalar bilan qoniqtirildi. Muddat talab etiluvchi murojaatlar esa hal etish uchun tegishli mutasaddilarga biriktirilib, nazoratga olindi.