Prezident tashabbusi bilan yoshlarning bo'sh vaqtini mazmunli tashkil etish, ular o'rtasida jinoyatchilikning oldini olish va maktablarda yozgi ta'til vaqtini samarali tashkillash maqsadida amalga oshirilayotgan “Dolzarb 90 kun” dasturi doirasida Farg‘ona shahridagi barcha ta'lim muassasalarida o‘quvchilar uchun sermazmun va qiziqarli yozgi mavsum tashkillandi. 1-iyundan 30-avgustga qadar maktablarda har kuni turli to‘garaklar, sport musobaqalari, intellektual bellashuvlar, madaniy va ma’rifiy tadbirlarni tashkil etish orqali yoshlarning ijodiy fikrlashi va jamoada ishlash ko'nikmalarini mustahkamlash ko'zda tutilgan. Farg‘onalik o‘quvchilar uchun yoz — hordiq mavsumi bilan birga, yangi yutuqlar va orzular sari qadam tashlash davri bo‘lib bormoqda!