«Yoshlar kuni» munosabati bilan Farg‘ona tumani hududida faoliyat olib borayotgan yoshlar etakchilarini rag‘batlantirishga bag‘ishlangan tantanali tadbir bo‘lib o‘tdi. Tadbirda Farg‘ona tumani hokimi Xamidullo Inomov, hokim o‘rinbosarlari, huquqni muhofaza qiluvchi organ rahbarlari, Yoshlar ishlari bo‘limi mas‘ullari hamda mahallalardagi yoshlar etakchilari ishtirok etdilar. 2025-yilning birinchi yarim yilligi davomida faoliyati samarali deb topilgan yoshlar etakchilari tuman hokimligi hamda Yoshlar ishlari bo‘limi tomonidan faxriy yorliqlar, esdalik sovg‘alari va tashakkurnomalar bilan taqdirlandilar. Tadbir davomida yoshlarning ijtimoiy faolligini oshirish, ularni qo‘llab-quvvatlash va yanada rag‘batlantirish bo‘yicha ham tegishli tavsiyalar berildi. Bayramona ruhda o‘tgan marosim ishtirokchilarga katta motivasiya bag‘ishladi.