Farg‘ona tumani “Zilol” mahalla fuqarolar yig‘ini hududida aholining elektr ta‘minotini yaxshilash maqsadida amaliy ishlar olib borilmoqda. Ayni paytda mutaxassislar tomonidan xonadonlarga yangi elektr kabeli tortilayotgan bo‘lib, iste‘molchilar zamonaviy tarmoqqa ulanishi ta‘minlanmoqda. Shu bilan birga, elektr energiyasi hisoblagichlari mansublik chegarasiga olib chiqilib, texnik talablarga mos tarzda joylashtirilmoqda. Mazkur ishlar aholi uchun uzluksiz va barqaror elektr ta‘minotini yaratish, mavjud quvvat yo‘qotishlarini kamaytirish hamda zamonaviy xizmat ko‘rsatish tizimiga o‘tish yo‘lida muhim qadamlardan hisoblanadi.