Farg‘ona tumani Favqulodda vaziyatlar bo‘limi xodimlari tomonidan Yangi yil bayrami munosabati bilan tuman hududida o‘rnatilgan Yangi yil archasi joylashgan maskanda maxsus o‘quv mashg‘uloti tashkil etildi. Mazkur tadbir bayram tadbirlari jarayonida yuzaga kelishi mumkin bo‘lgan favqulodda vaziyatlarning oldini olish, aholi xavfsizligini ta’minlash hamda mas’ul xizmatlarning tezkor va hamjihatlikdagi harakatlarini mustahkamlashga qaratildi. Mashg‘ulot davomida shartli yong‘in va boshqa favqulodda holatlarda amalga oshiriladigan chora-tadbirlar amaliy jihatdan sinovdan o‘tkazildi. Shuningdek, maxsus texnika va asbob-uskunalardan to‘g‘ri foydalanish, fuqarolarni xavfsiz hududga evakuatsiya qilish bo‘yicha amaliy mashqlar bajarildi. Tadbir yakunida mashg‘ulot natijalari tahlil qilinib, aniqlangan kamchiliklar yuzasidan tegishli tavsiyalar berildi.