Farg‘ona tumani hokimi Xamidullo Inomov tomonidan tumandagi sil kasalliklariga qarshi kurashish dispanserida olib borilayotgan qurilish ishlari, shuningdek, muassasaning isitish tizimi va ko‘mir zaxiralari holati o‘rganildi. O‘rganish jarayonida tibbiyot muassasasining qish mavsumida barqaror faoliyat yuritishini ta’minlash, qurilish ishlarining sifati va belgilangan muddatlarga rioya etilishi masalalariga alohida e’tibor qaratildi. Aniqlangan kamchiliklar yuzasidan mas’ullarga tegishli topshiriqlar berildi.