Farg‘ona tumani hokimi Xamidullo Inomov Xitoyning “CIRI Holdings“ kompaniyasi vakillari bilan uchrashuv o‘tkazdi. Uchrashuv davomida tomonlar o‘rtasida Farg‘ona tumanida IT va kiberxavfsizlik yo‘nalishlarida zamonaviy o‘quv markazi tashkil etish, turizm ob‘ektlari va zamonaviy uylar barpo etish, shuningdek, yirik korxonalar va nasos stansiyalarini quyosh panellari bilan jihozlash bo‘yicha rejalashtirilgan investisiyaviy loyihalarni batafsil muhokama qilishdi. Mazkur loyihalar tuman infratuzilmasini rivojlantirish, yoshlarning zamonaviy IT ko‘nikmalarini shakllantirish, turizm salohiyatini oshirish hamda ekologik toza energiya manbalaridan samarali foydalanish imkonini yaratishi kutilmoqda. Tomonlar loyihalarni bosqichma-bosqich amalga oshirish bo‘yicha kelishib oldilar.