Tasdiqlangan reja-grafik asosida Farg‘ona tumani “Zilol” mahalla fuqarolar yig‘ini binosida Farg‘ona tumani adliya bo‘limi tomonidan sayyor qabul tashkil etildi. Tadbir davomida fuqarolarning muammolari va murojaatlari o‘rganildi. Qabulda jami 30 nafar aholi vakili ishtirok etdi. Ularning 12 nafariga huquqiy tushuntirishlar berildi, 3 nafar murojaat joyida ijobiy hal etildi, 5 nafar fuqaroning murojaati esa qo‘shimcha o‘rganish uchun ish yurituviga olindi. Shuningdek, tadbir doirasida mahalla ettiligi va faollariga ish faoliyatlari bo‘yicha tegishli ko‘rsatmalar berildi. Fuqarolarga O‘zbekiston Respublikasi Prezidentining 2025 yil 3 yanvardagi PQ-1-son va 2025 yil 1 apreldagi PQ-133-son qarorlarining mazmun-mohiyati yuzasidan huquqiy tushunchalar ham etkazildi.