Farg‘ona tumani Favqulodda vaziyatlar bo‘limi xodimlari tomonidan tuman hududidagi avtomobillarga yoqilg‘i quyish shoxobchalarida keng qamrovli profilaktik tadbirlar amalga oshirilmoqda. Tadbirlar davomida yong‘in xavfsizligi qoidalariga amal qilinishi holati o‘rganilib, ob‘ekt xodimlariga yong‘in sodir bo‘lgan holatda amalga oshirilishi lozim bo‘lgan harakatlar yuzasidan amaliy tushuntirishlar berildi. Shuningdek, mavjud texnik vositalarning sozligi, yong‘in o‘chirish moslamalarining soni va foydalanishga yaroqliligi ko‘zdan kechirildi. Ushbu profilaktik tadbirlar yong‘in xavfsizligini ta‘minlash, favqulodda vaziyatlarning oldini olish va fuqarolarning ogohligini oshirishga qaratilgan.