Prezident Shavkat Mirziyoev rahbarligida o‘tkazilgan videoselektor yig‘ilishida belgilangan topshiriqlar ijrosini ta‘minlash maqsadida Farg‘ona tumani hokimi Xamidullo Inomov va tuman prokurori Oybek Toshpo‘latov boshchiligida chorvachilik fermer xo‘jaliklari, qassoblar va sotuvchilar ishtirokida yig‘ilish o‘tkazildi. Yig‘ilishda tuman hokimi o‘rinbosarlari, mas‘ul tashkilot rahbarlari, chorvachilik sub‘ektlari va go‘sht savdosi bilan shug‘ullanuvchi tadbirkorlar ishtirok etib, go‘sht va go‘sht mahsulotlari narxini barqarorlashtirish hamda aholiga arzon narxlarda etkazib berish choralari muhokama qilindi. Natijada narx-navo barqarorligini ta‘minlash yuzasidan aniq topshiriqlar belgilanib berildi.