21-oktyabr – O‘zbek tili bayrami kuni munosabati bilan Farg‘ona tumanida qator ma’naviy-ma’rifiy tadbirlar o‘tkazilmoqda. Ana shunday tadbirlardan biri 3-umumiy o‘rta ta’lim maktabida tashkil etilib, unda tuman hokimligi, Ma’naviyat va ma’rifat markazi tuman bo‘linmasi, o‘qituvchilar hamda yoshlar vakillari ishtirok etdilar. Tadbir davomida ona tilimizning buyuk qadriyat ekani, uni asrab-avaylash har birimizning muqaddas burchimiz ekani ta’kidlandi. Yoshlarga til va nutq madaniyati, adabiy til me’yorlari hamda zamonaviy o‘zbek tilining rivojlanish tendensiyalari haqida keng qamrovli ma’lumotlar berildi. O‘quvchilarning badiiy chiqishlari, o‘qilgan she’rlar va sahna ko‘rinishlari orqali ona tilimiz ulug‘landi, milliy g‘urur va iftixor tuyg‘usi yanada yuksak tarannum etildi.