Majburiy ijro byurosi Fargʻona tuman boʻlimi davlat ijrochilari tomonidan “Elektr taʼminoti korxonasi” (ETK) foydasiga qarzdor T.L.dan 10 million 825 ming soʻm asosiy qarz va 541 ming soʻm ijro yigʻimi toʻliq undirildi. Maʼlum boʻlishicha, fuqaro T.L. elektr tarmogʻiga yashirincha ulanib, belgilangan hisoblagich vositalarisiz elektr energiyasidan foydalangan. Bu holat aniqlanganidan soʻng, ETK tomonidan u haqda tegishli hisob-kitob amalga oshirilib, umumiy miqdordagi zarar miqdori belgilangan. Byuroning Fargʻona tuman boʻlimi davlat ijrochilari qarzdorga nisbatan ijro ishini amalga oshirib, qisqa fursat ichida qarzning toʻliq undirilishini taʼminladi. Mazkur holat fuqarolarni elektr energiyasidan qonunga muvofiq va hisoblagich orqali foydalanish zarurligini yana bir bor eslatib oʻtdi.