«Xavfsiz va sog‘lom yurt» keng qamrovli tezkor profilaktik oyligi doirasida Farg‘ona viloyati Ichki ishlar boshqarmasi Karantin xizmati tomonidan keng qamrovli tadbirlar tashkil etilmoqda. Xususan, Farg‘ona tumani dehqon bozorida aholining salomatligini saqlash, iste‘mol qilinayotgan mahsulotlar sifatini nazorat qilish hamda oziq-ovqat xavfsizligini ta‘minlash maqsadida targ‘ibot va tashviqot ishlari olib borilmoqda. Mutaxassislar tomonidan bozordagi savdo rastalarida mavjud mahsulotlarning holati o‘rganilmoqda, sotuvchilarga va xaridorlarga sanitariya-gigiena qoidalariga amal qilish, sifatsiz mahsulotlardan voz kechish yuzasidan tushuntirishlar berilmoqda. Mazkur profilaktik tadbirlar aholining sog‘lig‘ini himoya qilish, kasalliklarning oldini olish va umumiy oziq-ovqat xavfsizligini ta‘minlash yo‘lida muhim ahamiyat kasb etadi.