Yurtimizda muhim ijtimoiy-siyosiy jarayon — fuqarolar yig‘ini raisi saylovi boshlandi. Rishton tumanida o‘tkazilayotgan mazkur saylovda 71 ta mahallada rais saylanadi. Bugun tongdan “Qoshqayron” mahalla fuqarolar yig‘inida ham saylov jarayoni ko‘tarinki ruhda va uyushqoqlik bilan tashkil etildi. Ishchi guruh mas’ullari saylovning ahamiyati, huquqiy demokratik jamiyat qurishdagi o‘rni haqida so‘z yuritishdi. Saylov qonunchiligiga muvofiq, dastlab aholi vakillari orasidan rayo‘sat a’zolari, kotib hamda sanash komissiyasi a’zolari saylandi. Raislikka nomzodlar o‘z saylovoldi dasturlarini taqdim etgach, fuqarolar ular orasidan eng munosib deb bilgan nomzodga ovoz berdilar.