«Dolzarb 90 kunlik» tadbirlari doirasida hamda 30-iyunь — «Yoshlar kuni» munosabati bilan Farg‘ona tumani «Shohimardon» mahalla fuqarolar yig‘ini hududida yoshlar o‘rtasida kurash bo‘yicha «Yoshlar agentligi rahbari» kubogi uchun musobaqa tashkil etildi. Musobaqa sport bilan bir qatorda tarbiyaviy maqsadlarga ham xizmat qildi. Unda yoshlar o‘rtasida sog‘lom turmush tarzini targ‘ib etish, huquqiy madaniyatni yuksaltirish, Vatanga sadoqat, intizom va jamoaviylik kabi muhim qadriyatlarni mustahkamlashga alohida e‘tibor qaratildi. Kurash musobaqasida yoshlar katta ishtiyoq bilan ishtirok etib, sport maydonida o‘z salohiyatini namoyon qilishdi. Tadbir yakunida g‘oliblikni qo‘lga kiritgan jamoalar va faol ishtirokchilar tashkilotchilar tomonidan diplom hamda esdalik sovg‘alari bilan taqdirlandi.