Farg‘ona tumani "Shoximardonobod" mahallasi hududida joylashgan “Mexanizatorlar uyi”da tumandagi mehnatkash mexanizatorlar uchun bayram dasturi va dasturxon tashkil etildi. Tadbirda Farg‘ona tumani hokimi Xamidullo Inomov, tuman prokurori Oybek Toshpo‘latov, hokim o‘rinbosarlari, qishloq xo‘jaligi sohasidagi korxona va tashkilot rahbarlari, shuningdek, fermer xo‘jaliklari, klasterlar va ularning mexanizatorlari ishtirok etdi. Bayram dasturi davomida tuman hokimi Xamidullo Inomov tomonidan Farg‘ona viloyati hokimining mexanizatorlarga yo‘llagan murojaatnomasi o‘qib eshittirildi. Tadbir ishtirokchilari uchun osh tortiladi. Shuningdek, tumandagi tijorat banklari tomonidan mexanizatorlarga oylik ish haqlari joyida topshirildi. Ushbu samimiy va hurmatga boy bayram tadbiri ko‘tarinki ruhda, mehnatkashlarga ehtirom ifodasi sifatida o‘tkazildi.