Farg‘ona tumani hokimining qurilish, to‘siqlarsiz muhit yaratish, kommunikasiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari Murodxon Qodirxonov rahbarligida Farg‘ona tumani, “Yangi asr” mahalla fuqarolar yig‘inida navbatdagi sayyor qabul tashkil etildi. Sayyor qabulda tumandagi korxona va tashkilot rahbarlari, “Yangi asr” va “Mindonobod” mahallalarida yashovchi jismoniy va yuridik shaxslar ishtirok etdi. Qabul davomida fuqarolar tomonidan kadastr hujjatlarini rasmiylashtirish, elektr va gaz tarmoqlaridagi nosozliklarni bartaraf etish, imtiyozli kreditlar olish, tadbirkorlik faoliyatini yo‘lga qo‘yish, ijtimoiy himoya, tibbiy yordam kabi 20 ta murojaatlar yo‘llanib, 4 tasi joyida ijobiy hal etildi. 4 ta murojaatga huquqiy tushunchalar berildi. Qolgan 12 ta murojaatlar ijro uchun tashkilotlarga yo‘naltirilib, nazoratga olindi.