Farg‘ona tumani, “Yangi asr” mahalla fuqarolar yig‘inida tumandagi korxona, tashkilot va muassasa rahbarlarining navbatdagi sayyor qabuli tashkil etildi. Sayyor qabul davomida har bir rahbar o‘z faoliyat yo‘nalishi bo‘yicha fuqarolarning murojaatlarini tingladi. Uchrashuvda aholining kadastr hujjatlari, elektr va gaz ta‘minoti, kommunal xizmatlar, ijtimoiy himoya, tibbiy yordam, tadbirkorlikni qo‘llab-quvvatlash kabi masalalarga oid murojaatlari ko‘rib chiqildi. Ba‘zi muammolar joyida ijobiy hal etildi. Echimi ko‘proq vaqt va hujjatlashtirishni talab qiladigan murojaatlar esa ijroga yo‘naltirildi hamda qat‘iy nazoratga olindi.