Juma ayomi arafasida Farg‘ona tumanidagi masjidlarda, jumladan, "Mindon" MFY hududidagi “Sirli” jome masjidida ezgulik va savob ishlarga bag‘ishlangan ehson tadbiri bo‘lib o‘tdi. Mazkur xayriya tadbiri doirasida masjidga tashrif buyurgan fuqarolarga mahalliy tadbirkorlar tomonidan milliy do‘ppilar ehson qilindi. Ushbu saxovatpesha tashabbus yurtimizda milliy qadriyatlar va savobli ishlarini targ‘ib etish, hamjihatlikni mustaxkamlash yo‘lida muhim ahamiyat kasb etadi. Ehson tarqatish chog‘ida masjidga kelgan nuroniylar, yoshlar va qariyalar ushbu xayrli ish uchun minnatdorlik bildirib, tadbirkorlarga duo va ezgu tilaklar izhor etdilar.