Farg‘ona tumani “Mashal” mahalla fuqarolar yig‘indasida Farg‘ona tumani adliya bo‘limi tomonidan “Mening mahallamda jinoyat sodir bo‘lmaydi” shiori ostida targ‘ibot tadbiri tashkil etildi. Tadbir davomida O‘zbekiston Respublikasi Prezidentining PF-80-sonli Farmoni ijrosini ta‘minlash maqsadida uyma-uy yurish orqali fuqarolarning huquqiy muammolari o‘rganildi. Jarayonda aholining meros, aliment, er hujjatlari, fuqarolik ishlari, nikohni rasmiylashtirish, pasport va shaxsni tasdiqlovchi hujjatlar bilan bog‘liq murojaatlari tinglandi hamda qonunchilik doirasida zarur tushuntirishlar berildi. Shuningdek, fuqarolarga O‘zbekiston Respublikasi Prezidentining 2025 yil 3 yanvardagi PQ-1-son hamda PQ-133-son qarorlari mazmun-mohiyatini yorituvchi flaer va bukletlar tarqatildi.