Farg‘ona tumani “Xurshidi tobon” mahalla fuqarolar yig‘inida “Huquqiy mahalla” loyihasi doirasida aholi bilan uyma-uy muloqotlar olib borildi. Tadbirning maqsadi — fuqarolarning kundalik hayotida uchraydigan huquqiy muammolarni aniqlash va ularni amaliy yordam orqali hal etishdan iborat bo‘ldi. O‘rganish jarayonida bir necha fuqarolar 2022–2023 yillarda vafot etgan yaqin qarindoshlarining o‘lim guvohnomasini olmaganliklari ma‘lum bo‘ldi. Mazkur masalalar tuman adliya bo‘limi ish yurituviga olingan holda tekshirildi va fuqarolarning belgilangan namunadagi hujjatlarni haqiqatda olmaganliklari tasdiqlandi. Natijada, 10 nafar fuqaroning yaqin qarindoshlariga oid o‘lim guvohnomalari rasmiylashtirildi va qulaylik yaratish maqsadida hujjatlar ularning yashash manzillariga etkazib berildi.