O‘quvchi yoshlarning huquqiy savodxonligini oshirish, ularning huquq va erkinliklari to‘g‘risida kengroq ma’lumot berish maqsadida Farg‘ona tumani 24-umumiy o‘rta ta’lim maktabida “Ombudsman soati” o‘tkazildi. Mazkur tadbirda O‘zbekiston Respublikasi Oliy Majlisi Inson huquqlari bo‘yicha vakili hamda Farg‘ona viloyati mintaqaviy vakili mutaxassislari A. Isomiddinov va J. Shamsuddinov ishtirok etib, o‘quvchilar bilan ochiq muloqot olib bordilar. Tadbir davomida o‘quvchi yoshlar bilan savol-javob shaklida suhbat tashkil etilib, ularning huquq va erkinliklarga oid qiziqtirgan savollariga atroflicha javoblar berildi. Shuningdek, tadbir so‘ngida “Bola huquqlari to‘g‘risida”gi videorolik namoyish etilib, unda o‘quvchilarning huquqlarini himoya qilishga oid asosiy tamoyillar sodda va tushunarli tarzda yoritildi.