Farg‘ona tumanida viloyat Maktabgacha va maktab ta’limi boshqarmasi boshlig‘i Sherzod Dolimov hamda viloyat prokurorining katta yordamchisi Sirojiddin G‘oziyev ishtirokida umumta’lim maktablari va maktabgacha ta’lim tashkilotlarida o‘quv jarayoni, o‘quvchilarning darsliklar bilan ta’minoti va davomati holati o‘rganildi. Jumladan, tumandagi 28-, 52-, 25-, 58-, 53-umumiy o‘rta taʼlim maktablari hamda 46-, 48- va 19-sonli davlat maktabgacha ta’lim tashkilotlarida kuz-qish mavsumiga tayyorgarlik ishlari hamda tarbiyalanuvchilarning sog‘lom ovqatlanishi jarayoni ko‘zdan kechirildi. O‘rganish davomida isitish qozonlari va issiqlik tizimlari, yoqilg‘i zaxirasi, yong‘inga qarshi xavfsizlik choralarining ko‘rilishi, shuningdek, soha xodimlariga yaratilgan sharoitlar alohida e’tibor bilan ko‘rib chiqildi. Aniqlangan kamchiliklarni qisqa muddatlarda bartaraf etish yuzasidan mas’ullarga tegishli tavsiya va ko‘rsatmalar berildi.