O‘zbekiston Respublikasi Prezidentining 2025-yil 19-sentyabrdagi PF-173-son Farmoniga asosan mamlakatda aholi va qishloq xo‘jaligini ro‘yxatga olish tadbirlariga keng ko‘lamli tayyorgarlik ishlari boshlangan. Shu munosabat bilan Farg‘ona tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Otabek Abduraximov boshchiligida ro‘yxatga olish tadbirlarini o‘tkazishga mas’ul shtab a’zolari ishtirokida yig‘ilish o‘tkazildi. Tuman miqyosida rejalashtirilayotgan ro‘yxatga olish jarayonini samarali tashkil etish, mavjud resurslardan oqilona foydalanish, mas’ullar o‘rtasida aniq vazifalar taqsimotini amalga oshirish kabi masalalar ham yig‘ilish kun tartibidan o‘rin oldi.