Jo‘raev Kamoliddin Odiljon o‘g‘li Farg‘ona tumani hokimining qishloq va suv xo‘jaligi masalalari bo‘yicha o‘rinbosari – tuman Qishloq xo‘jaligi bo‘limi boshlig‘i etib tayinlandi. Kamoliddin Jo‘raev 1983-yilda Farg‘ona viloyati Oltiariq tumanida tug‘ilgan. 2005-yilda Andijon qishloq xo‘jaligi institutini tamomlagan. Mutaxassisligi agronom. Mehnat faoliyatini 2005-yilda Farg‘ona viloyati «Don urug‘chiligi» birlashmasi etakchi mutaxassisi vazifasida boshlagan K.Jo‘raev o‘tgan davr mobaynida viloyat qishloq xo‘jaligi tarmoq va boshqarmalarida turli mas‘ul lavozimlarda faoliyat ko‘rsatgan. Lavozimga tayinlangunga qadar esa Farg‘ona viloyati O‘simliklar karantini va himoyasi boshqarmasi boshlig‘i 1-o‘rinbosari bosh agronomi vazifasida ishlab kelayotgan edi. Farg‘ona tuman hokimligi nomidan Kamoliddin Odiljon o‘g‘lining mas‘uliyatli lavozimida va ish faoliyatlarida ulkan zafarlar tilaymiz!