Farg‘ona tumanidagi 32-sonli maktabgacha ta‘lim tashkilotida tumandagi maktabgacha ta‘lim muassasalari tarbiyalanuvchilari o‘rtasida shaxmat bo‘yicha hududiy musobaqa bo‘lib o‘tdi. Musobaqani Farg‘ona tumani hokimi o‘rinbosari Ilhomjon Toshpulatov ochib berib, yosh ishtirokchilarga omad va zafarlar tiladi. Mazkur tadbir bolalarda mantiqiy fikrlash, sabr-toqat, diqqat va intizom kabi fazilatlarni shakllantirishga xizmat qilishi bilan ahamiyatli bo‘ldi. Musobaqa yakunlariga ko‘ra eng yaxshi natijalarni ko‘rsatgan tarbiyalanuvchilar keyingi bosqichga yo‘llanmani qo‘lga kiritishdi. G‘oliblar munosib tarzda taqdirlanib, musobaqa yuqori ruhda yakunlandi.