Farg‘ona tumani prokuraturasi tomonidan elektr energiyasi va tabiiy gazdan foydalanishda tejamkorlikni ta‘minlash, yo‘qotishlarni kamaytirish hamda resurslardan samarali foydalanish bo‘yicha belgilangan maqsadli reja ko‘rsatgichlarining bajarilishi yuzasidan o‘rganish ishlari olib borilmoqda. Mazkur ishlar doirasida tuman prokuraturasi vakillari tomonidan elektr tarmoqlarida va tabiiy gaz ta‘minoti tizimidagi yo‘qotishlar holati joyiga chiqqan holda o‘rganildi. Amalda yo‘l qo‘yilgan muammolar, mavjud zaxiralar hamda ulardan samarali foydalanish imkoniyatlari atroflicha tahlil qilindi. Shuningdek, tegishli tashkilot va korxona rahbarlariga energiya resurslarini talon-toroj qilish holatlarining oldini olish, ularni iqtisod qilish hamda qayta tiklanuvchi energiya manbalarini amaliyotga keng tatbiq etish bo‘yicha aniq vazifalar yuklatildi.