Farg‘ona shahrida tadbirkorlikni qo‘llab-quvvatlash, fuqarolarning biznesdagi tashabbuslarini ro‘yobga chiqarish maqsadida navbatdagi sayyor qabul tashkil etildi. Ochiq muloqot shaklida o‘tgan uchrashuvda shahar hokimi shaxsan ishtirok etib, tadbirkorlik subyektlari va ish boshlash istagida bo‘lgan fuqarolarning murojaatlarini tingladi. Sayyor qabul davomida kadastr, yer ajratish va imtiyozli kredit olish masalalarida 15 ga yaqin murojaat qabul qilindi. Ularning bir qismi joyida ijobiy hal etilib, qolgan murojaatlar qonunchilik doirasida o‘rganilishi va nazoratga olinishi belgilandi. Tadbirkorlik — iqtisodiy taraqqiyotning muhim tayanchi. Farg‘ona shahrida bu sohani qo‘llab-quvvatlashga alohida e’tibor qaratilib, har bir tashabbus ortida yangi imkoniyatlar eshigi ochilmoqda.