Farg‘ona tumanidagi 1-umumiy o‘rta ta‘lim maktabida “Dolzarb 90 kun” loyihasi doirasida yoshlar bilan ochiq muloqot ruhida o‘tgan “Rahbar va yoshlar uchrashuvi” tashkil etildi. Tadbirda Shohimardon mahalla fuqarolar yig‘ini raisi N.Xidoyatov ishtirok etib, “Shohimardon” kunduzgi oromgohida dam olayotgan o‘quvchilar bilan samimiy davra suhbati olib bordi. Uchrashuv davomida yoshlarga bugungi islohotlar, ularning o‘rni va imkoniyatlari haqida tushunchalar berildi, ularni qiziqtirgan savollarga atroflicha javob qaytarildi. Muloqot jarayonida faol qatnashgan, savol-javoblarda ishtirok etgan o‘quvchilarga badiiy adabiyotlar sovg‘a qilinib, ularning bilim olishga bo‘lgan qiziqishini rag‘batlantirishga alohida e‘tibor qaratildi.