O‘zbekiston Respublikasi Prezidentining 2025-yil 5-mart kuni o‘tkazilgan Korrupsiyaga qarshi kurashish Milliy kengashi yig‘ilishida belgilangan topshiriqlarning ijrosini ta‘minlash maqsadida, Farg‘ona tumani prokuraturasi tomonidan navbatdagi profilaktik targ‘ibot tadbiri tashkil etildi. Mazkur tadbirda tuman Soliq inspeksiyasi rahbariyati va xodimlari ishtirok etib, soliq sohasida korrupsiyaviy omillar kelib chiqishining asosiy sabablari chuqur tahlil qilindi hamda ularni bartaraf etishga qaratilgan aniq va amaliy chora-tadbirlar belgilab olindi. Tadbir davomida soliq tizimida yuzaga kelishi mumkin bo‘lgan huquqbuzarliklarning barcha shakllari bilan murosasiz kurashish zarurligi ta‘kidlanib, faoliyatda shaffoflik va hisobdorlikni ta‘minlash masalalariga alohida e‘tibor qaratildi. Shuningdek, ishtirokchilarga korrupsiya holatlarini barvaqt aniqlash, ularning oldini olish, hamda fuqarolarning huquqiy ongini oshirish borasida mavjud qonunchilik mexanizmlari haqida batafsil tushunchalar berildi. Tadbir yakunida davlat xizmatchilari uchun amaldagi etika qoidalari, manfaatlar to‘qnashuvining oldini olish hamda mas‘uliyatli xizmat yuritish bo‘yicha tavsiya va ko‘rsatmalar berildi.