O‘zbekiston Respublikasi Sog‘liqni saqlash vaziri Xudayarov Asilbek Anvarovich Farg‘ona tumaniga tashrif buyurdi. “Dolzarb 90 kunlik“ dasturi doirasida tibbiyot sohasida berilgan topshiriqlar ijrosini nazorat qilish va mavjud holat bilan bevosita tanishish maqsadida O‘zbekiston Respublikasi Sog‘liqni saqlash vaziri Xudayarov Asilbek Anvarovich Farg‘ona tumaniga tashrif buyurdi. Tashrif davomida vazir Farg‘ona tumani Tibbiyot birlashmasiga qarashli Ko‘p tarmoqli markaziy poliklinika hamda “Shohimardonobod“ oilaviy shifokorlik punkti faoliyati bilan yaqindan tanishdi. Vazir soha xodimlari — shifokorlar, hamshira va boshqa tibbiyot vakillari bilan ochiq muloqot o‘tkazdi, ularning ish faoliyati, ehtiyojlari va takliflarini eshitdi. Shuningdek, bemorlarga yaratilgan tibbiy xizmat ko‘rsatish sharoitlari bilan ham tanishib chiqdi. Tashrif yakunida Farg‘ona tumani hokimi Xamidullo Inomov, viloyat va tuman darajasidagi mas‘ullarga sog‘liqni saqlash tizimini yanada takomillashtirish yuzasidan aniq topshiriqlarni berdi.