Farg‘ona tuman Adliya bo‘limi tomonidan tumanning “Do‘stlik” mahalla fuqarolar yig‘ini binosida navbatdagi sayyor qabul o‘tkazildi. Qabulda fuqarolarning huquqiy muammolari o‘rganilib, ularni hal etish bo‘yicha zarur chora-tadbirlar belgilandi. Sayyor qabul davomida fuqarolarga O‘zbekiston Respublikasi Prezidentining 2025 yil 3 yanvardagi PQ-1-sonli qarori ijrosini ta‘minlash maqsadida “Mening mahallamda jinoyat bo‘lmaydi” shiori ostida firibgarlik jinoyatining oqibatlari va uning oldini olish, shuningdek 2025 yil 1 apreldagi PQ-133-sonli qaror – “Yoqilg‘i-energiya resurslaridan noqonuniy foydalanish va behuda sarflanishining oldini olish hamda energiya samaradorligini oshirish” bo‘yicha ishtirokchilarga keng tushuntirishlar berildi.