Farg‘ona tumani markazidagi “Bo‘ston” to‘yxonasi old qismida “Vatan uchun, millat uchun, xalq uchun!” shiori ostida “Umummilliy birdamlik festivali” doirasida keng qamrovli gala-konsert tashkil etildi. Tadbirda O‘zbekiston xalq artistlari, taniqli professorlar, shoir va yozuvchilar, aktyorlar, xonandalar hamda yosh ijodkorlar ishtirok etib, tomoshabinlarga bayramona kayfiyat ulashdi. So‘z olganlar tomonidan O‘zbekiston Respublikasi davlat mustaqilligining 34 yilligi munosabati bilan butun respublika bo‘ylab o‘tkazilayotgan tadbirlarning mazmun-mohiyati, jumladan, viloyat va tuman hokimliklari, Respublika Ma‘naviyat va ma‘rifat markazi, O‘zbekiston Mahallalari uyushmasi, Madaniyat vazirligi hamda boshqa mutasaddi idoralar hamkorligidagi faoliyat yoritib berildi.