Fargʻona tumani “Mindonobod” mahalla fuqarolar yigʻinida Fargʻona tumani adliya boʻlimi tomonidan “Mening mahallamda jinoyat sodir boʻlmaydi” shiori ostida targʻibot tadbiri tashkil etildi. Tadbir davomida fuqarolarga bugungi kunda keng tarqalib borayotgan firibgarlik jinoyati, uning oqibatlari va oldini olish choralari yuzasidan huquqiy tushuntirishlar berildi. Shu bilan birga, aholiga moʻljallangan maxsus flayer va bukletlar tarqatildi. Shuningdek, targʻibot jarayonida fuqarolarga Oʻzbekiston Respublikasi Prezidentining 2025-yil 3-yanvardagi PQ-1-sonli hamda PQ-133-sonli qarorlarining mazmun-mohiyati ham keng yoritib berildi. Mazkur tadbir aholining huquqiy savodxonligini oshirish, mahallada huquqbuzarlik va jinoyatchilikka qarshi kurashish hamda fuqarolarni qonuniy manfaatlarini himoya qilishga yoʻnaltirilgan amaliy ishlarning biri.