Farg‘ona tuman elektr ta’minoti korxonasi tomonidan iste’molchilarni sifatli va barqaror elektr energiyasi bilan ta’minlash maqsadida muntazam ravishda texnik ko‘rik va ta’mirlash ishlari olib borilmoqda. Shu doirada tumanning “Archa” mahallasi hududida joylashgan 175-sonli transformator punktida joriy ta’mir ishlari muvaffaqiyatli yakunlandi. Ta’mirlash jarayonida: transformator punktining montaj ishlari bajarildi; fazalararo yuklama muvozanatlashtirildi; texnik xavfsizlik talablari asosida zaruriy sozlash ishlari amalga oshirildi. Mazkur chora-tadbirlar hudud aholisi va tadbirkorlik subyektlarini uzluksiz, sifatli va barqaror elektr energiyasi bilan ta’minlashga xizmat qiladi.