Aholining barqaror elektr energiyasi bilan ta’minlanishini yaxshilash, mavjud muammolarni bartaraf etish va qulay sharoitlar yaratish maqsadida hududlarda keng ko‘lamli ishlar olib borilmoqda. Shu jumladan, Farg‘ona shahri “O’rtasho’ra” mahalla fuqarolar yig‘inida ham Farg‘ona tuman elektr ta’minoti korxonasi mutaxassislari tomonidan katta amaliy ishlar boshlab yuborildi. Uzoq yillar davomida mazkur hududda elektr ta’minotida muammolar kuzatilgan bo‘lsa, bugungi kunda bu masalalar izchil hal etilmoqda. Loyiha doirasida: elektr tarmoqlari modernizatsiya qilinmoqda; zamonaviy temir-beton tayanch ustunlari o‘rnatilmoqda; yangi transformator punktlari ishga tushirilmoqda; elektr uzatish kabel tarmoqlari yangilanmoqda. Mazkur loyiha Prezidentimiz tashabbusi bilan amalga oshirilayotgan “Kambag‘allikdan farovonlik sari” dasturi doirasida bajarilayotgani uning ahamiyatini yanada oshirmoqda. Natijada, mahalla aholisi barqaror va sifatli elektr energiyasi bilan ta’minlanib, yashash sharoitlari sezilarli darajada yaxshilanadi.