Farg‘ona tumani markazidagi “Xushnoza” to‘yxonasida “O‘qituvchi va murabbiylar kuni” arafasida ta’lim tizimi xodimlari uchun bayram dasturxoni va madaniy-ma’rifiy tadbir tashkil etildi. Bayram tadbirida Farg‘ona tumani hokimi Xamidullo Inomov so‘zga chiqib, o‘qituvchi va murabbiylarni kasb bayrami bilan samimiy tabrikladi. Hokim o‘z nutqida pedagoglarning jamiyat taraqqiyotidagi beqiyos o‘rni, yosh avlodni yuksak bilim va ma’naviyat ruhida tarbiyalashdagi fidoyiligi haqida alohida to‘xtaldi. Shuningdek, hokim ta’lim sifatini oshirish va yoshlarning oliy ta’limga qamrov darajasini kengaytirish yo‘nalishida amalga oshirilayotgan ishlarni qayd etdi. Bu borada yuqori natijalarga erishgan ta’lim muassasalari rahbarlari tantanali ravishda rag‘batlantirildi.