“Tashabbusli budjet” jarayonining 2025-yilgi 1-mavsumida “Konchilar” mahalla fuqarolar yigʻini tomonidan 350 ta simyog‘ochlarni yangilash, 2 ta transformator punktini (TP) o‘rnatish hamda 5 km uzunlikdagi eski elektr tarmog‘ini yangilash bo‘yicha loyiha ilgari surilib, 2771 ta ovoz bilan g‘olib deb topilgan edi. Bugungi kunda ushbu ishlarning yakuniy bosqichlari amalga oshirilmoqda. Xususan, mahalla hududida elektr tarmoqlarini yangilash ishlari olib borilib, aholiga sifatli va barqaror elektr energiyasi yetkazib berish imkoniyatlari kengaytirilmoqda.