Fargʻona tuman adliya bo‘limi YXKM xodimlari tomonidan tumandagi 4- va 11-sonli DMTTlarda xodimlarning huquqiy savodxonligi va huquqiy madaniyatini oshirish bo‘yicha seminar-trening tashkil etildi. Tadbir davomida xodimlarga mehnat munosabatlaridan kelib chiqadigan nizolar yuzasidan huquqiy tushunchalar berildi. Shuningdek, mehnat intizomi, tashkilot ichki tartib-qoidalari, axborot xavfsizligi hamda mehnat qonunchiligiga asosan intizomiy jazo qo‘llash tartibi batafsil tushuntirildi. Mazkur seminar-trening xodimlarning huquqiy bilimlarini mustahkamlash, ularning kasbiy faoliyatida yuzaga kelishi mumkin bo‘lgan huquqiy masalalarni to‘g‘ri hal qilish ko‘nikmalarini rivojlantirishga xizmat qildi.