Farg‘ona tumani prokuraturasi tomonidan O‘zbekiston Respublikasi Prezidentining 2025-yil 3-yanvardagi PQ-1-sonli “2025-yilda respublika mahallalarida xavfsiz muhitni yaratish va huquqbuzarliklarning barvaqt oldini olish tizimi samaradorligini yanada oshirish chora-tadbirlari to‘g‘risida”gi qarori ijrosi doimiy ravishda o‘rganib borilmoqda. Mazkur qaror ijrosini ta’minlash doirasida tuman maktab va maktabgacha ta’lim bo‘limi tasarrufidagi umumiy o‘rta ta’lim maktablarida videokuzatuv moslamalari o‘rnatilganligi nazorat qilindi, voyaga yetmaganlar hamda yoshlar tomonidan jinoyat va huquqbuzarliklarning oldini olishga qaratilgan ishlar olib borildi, kriminogen vaziyati og‘ir bo‘lgan hududlarda nazorat kuchaytirildi, yoshlar o‘rtasida jinoyatlarning salbiy oqibatlari, axloq qoidalariga rioya qilish va huquqbuzarliklarning oldini olish yuzasidan targ‘ibot-tashviqot tadbirlari o‘tkazildi.